عراقية تتزوج من تركي وتسمي ابنها تيمور ؟! نسبة الى قائد المغول (تيمور لنگ) من سلالة (هولاكو) الذي
دمر بغداد وذبح العراقيين ؟!
كنت داسوي بحث عن فيديوات عن موضوع معين ما ادري شلون دست دگمة الماوس ودخلت
على فيديو ... جتني مكالمة وانشغلت اشو ما اشوف الا داشوف عراقية بالفيديو تدلع
ابنها الصغير باسم (تموري) ؟! داشكك في
نفسي سمعت اسم (تموري) صدك ؟! جذب ؟! تابعت وافتهمت هاي العراقية متزوجة من
رجل تركي ؟! بس لا اسم ابنها (تيمور) ؟! لا حول و لا قوة الا بالله العلي
العظيم انا لله وانا اليه راجعون ؟! (تيمور لنگ) هو من نفس سلالة القائد
المغولي السفاح (هولاكو) والذي هجم على بغداد ودمرها وذبح اهلها واللي كنا نقرأ في
كتب التاريخ انه القى كتب مكتبة بغداد في نهر دجلة بحيث صار لون نهر دجلة
يقولون لمدة أسبوع اسود او ازرق من الحبر اللي بالكتب ... هسه اني منو لاقول
للعراقية تزوجي او لا تتزوجي فلان او علتان ؟! ولكن على الأقل انتبهوا ايتها
العراقيات المتزوجات من (اجانب بالخصوص) على أسماء اولادكم وبناتكم ؟! (تأريخ
الأسم , معنى الأسم , الخ) الانترنيت موجوده وبيها كلشي وكلاشي ... يا رب
اطلع غلطان واسم الابن ليس (تيمور) والا والله (ما ادري شگول) ما ادري اضحك ؟! ما
ادري ابچي ؟! ... يا رب اطلع غلطان ... معقوله وصل
الجهل الى هذه الدرجة ؟! وبعد ان كانت العرب في السبعينات تقول: مصر تكتب ولبنان
يطبع والعراق يقرأ ... معقوله ؟! ان شاء الله لا ؟! واكون اني غلطان وإلا إذا كان
صدگ ؟! فعلى هذه الحالة من الجهل ؟! راح يصير نص أسماء أولاد العراقيات المتزوجات من
مغول ؟! اوه ... اقصد اتراك ... (هولاكو)؟! اوه ... اقصد (تيمور لنگ)؟! اوه ... اقصد (تيمور)
؟! ما شاء الله لا قوة الا بالله العلي العظيم ... هذا من فضل ربي ... على نعمة
العلم ... فالعلم نور والجهل ظلام ... ... ولله في خلقه شؤون ... ولا حول ولا قوة الا بالله العلي العظيم انا
لله وانا اليه راجعون ...
31-07-2019م
مع تحيات المهندس سرمد عقراوي
ليست هناك تعليقات:
إرسال تعليق