امام هذا الجنون سوف اخرج عن احتجاج التوقف عن كتابة المقالات لان الفيضانات بالنسبة لهذا الموضوع الخطير زلاطة !!! ويمكن تستغل داعش والامريكان الفيضانات للقيام بانقلاب ... ارجوكم ان تبلغوا الناس ... حتى وان كان احتمال لا سامح الله وان شاء الله ما يصير ... تحياتي
خواطر: إرجاع 20 الف داعشي عراقي مع 3000 آلالاف داعشي اجنبي ؟!
قبل ان ابدا اردت بان اقول: اما انا مجنون او الحكومة والبرلمان
والكتل السياسية العراقية مجانيين؟! بل كافة من هم بالمشهد السياسي مجانيين ؟! بالسماح
لـ (20,000+3,000) داعشي للدخول الى العراق من سوريا في صفقة مع قوات سوريا
الديمقراطية ؟! حسب ما ورد في الاخبار؟! إن كان الخبر صحيح (أكرر إن: أداة شرط
جازمه) ؟! اليكم التحليل ؟!
بدا تنظيم القاعدة ب 10,000 آلالاف عنصر واليوم وبعد 15 سنة تعود
لنا نسخة من تنظيم القاعدة (داعش) ب 20,000 الف مع 3000 آلالاف اجنبي ... لجيل
الحصار اللي ما يعرف الحساب (الارقام) هذا ضعف الرقم يعني مرتين (2) ؟! وهذا يعني
وكأن (أكرر وكأنه) كل هذه العمليات العسكرية منذ ظهور التنظيم سنة 2004م تقريبا في
العراق والى اليوم كانت افلام سينمائية ولم تقتل احدا منهم ؟! اقول وكأنه , عبالك
, الظاهر ؟! أم ماذا ؟! والمثل يقول: يابو زيد چنك ما غزيت ...
اراد اوباما الانسحاب من العراق , القادة العسكرييون الامريكان
(محترفون ذوو خبرة واختصاص) طلبوا بقاء 10,000 الالاف جندي امريكي لتدريب الجيش
العراقي ولحالات الطوارئ (طبعا كانوا صح من انسحبت القوات الامريكية ظهرت داعش) ؟!
رفض المالكي (تبين فيما بعد بانه كان يريد ان يفرهد 1000 مليار دولار) كما رفض
مقتدى بقاء القوات الامريكية ؟! ثلاثة اشخاص يوم القيامة سيكونون مسؤولين عن كل
جرائم داعش ؟! لانهم بصورة غير مباشرة شاركوا في تأسيسها ؟! وكانت المشكلة بل
العقبة لانسحاب القوات الامريكية من العراق سنة 2010 م هي: وجود الالاف من
المعتقلين للقاعدة والبعثيين الصداميين في معسكر بوكا بالقرب من البصرة ؟! زين
شلون ؟! اطلقوا سراح اغلبهم بحجة المصالحة الوطنية فولدت داعش ؟! والتاريخ يعيد
نفسه
التاريخ يعيد نفسه ؟! يريد ترمب الانسحاب من سوريا وآخر معقل لداعش
بلدة الباغور في سوريا يضم 20,000 الف
داعشي عراقي مع 3000 داعشي اجنبي اغلبهم من فرنسا وبلجيكا (من اصول دول المغرب
العربي: تونس, الجزائر , المغرب , الخ) ؟! زين شلون ؟! نرجع كل هؤلاء للعراق ؟! حتى
ترمب يسحب القوات الامريكية من سوريا ؟! ما اعرف اضحك , ابكي , اصرخ لو بالعراقي اگول:
اشگ هدومي ؟! معقولة ذاكرة السياسيين
العراقيين بهكذا ضعف ؟! يعني مبينه گدام عينكم ؟! ترمب ديعيد نفس سيناريو اوباما بالضبط
واللي سبب لنا ولادة داعش؟! فمن سيولد هؤلاء الدواعش العائدون من سوريا من تنظيم
ارهابي جديد؟! بل هل سيمهد لسقوط الحكومة ورجوع البعثيين الصداميين للحكم ؟!
هؤلاء الدواعش العراقيين
الـ 20,000 الف من اشد واشرس واقسى الدواعش ومتمرسين في فنون القتل والذبح
والتعذيب والتخريب والتفخيخ الخ ولديهم الخبرة ؟! يلحقهم ال 3,000 الدواعش الاجانب
وبنفس الصفات ؟! راح يجيبون كل هؤلاء للعراق ؟! ههههههههه ما اعرف اضحك , ابكي ,
اصرخ لو بالعراقي اگول: اشگ هدومي ؟!
زين لانني مهندس واحب الرياضيات راح اشرح لكم (كلفة = مصرف) هؤلاء
؟! راح تكولون ليش ؟! لان الحكومة والبرلمان والكتل السياسية من تقول لهم (كلفه =
مصرف) راح يفكرون بانه بهذا (الكلفه = المصرف) راح تروح (تنصرف) فما تبقى فلوس او
تبقى فلوس أقل للخمط ؟! بلكت هاي تحركهم ؟!
20,000 الف داعشي عراقي اي ما يعادل (2) فرقتين عسكرية (بالنظام
الغربي = الناتو) وهؤلاء ليسوا افراد جيش نظامي بل خبراء ومتمرسين في حرب العصابات
وهذا يعني (قوات خاصة على النظام الغربي) مع 3,000 الالاف داعشي فرنسي وبلجيكي ؟!
اولا: في اي معسكر راح تخلوهم والنقطة الاهم شلون راح تحرسوهم ؟! زين
عندك 20,000+ 3,000 فرقتين (2) عسكرية مدربة على الاقل تحتاج ضعف للحراسة وهذا
يعني لازم (2) فرقتين من الجيش العراقي ؟! ومو مضمون يجوز في اي وقت يستولون على
اسلحة الجيش العراقي ويذبحون كل الجنود والضباط العراقيين (سبايكر ضرب 10 مرات)
والاهم يزحفون باتجاه بغداد ؟! يعني الغباء فنون لا يتقنه الا الحكومة والبرلمان
والكتل السياسية العراقية وبجداره.
ثانيا: الكلفة ؟!
1- المحاكمة: اذا كان عندالعراق 1000 قاضي و 1000 مدعي عام (وهذا
مستحيل) كل قاضي ومدعي عام لازم يستلم 23 قضية ؟! هههههه وكم سنة راح تطول
المحاكمات 2-3 سنة وحتى وان صدر حكم بالاعدام ؟! بعدين يجيك رئيس جمهورية يتحجج
بانه ما يوقع على احكام اعدام فيبقون بالسجن الى ما شاء الله (مصرف : اكل , شرب ,
حراسة , الخ) وان الكل حكم بالاعدام ؟! وين راح تدفنون 23,000 الف داعشي ؟! واذا
مؤبد مصرف (اكل وشرب وحراسة الخ) لمدة 45 -50 سنة (متوسط العمر)؟!
هههههههههههههه والله العظيم مسخرة ما من
بعدها مسخرة ؟!.
2- كل داعشي من هؤلاء ال 20,000+3,000 يحتاجون الى سرير ؟! ها خلي
ينامون على الارض ؟! اي مو تجيك منظمات حقوق الانسان الاوربية والامريكي تبجي
عليهم ؟! ويشعلون ابو ابوك بالاعلام الغربي ؟!
السكن ؟! الاثاث فقط: 1 سرير ب 40$
دولار , 1 فراش اسفنج 20$ دولار , 1 بطانية 30$ دولار , وسادة (مخده) 5$ دولار , المجموع 100$ دولار
(ورقة لجيل الحصار) ...
100$ ضرب (20,000+3,000) = 2,300,000$
مليونيين وثلاثمائة الف دولار
وجبات الأكل والشرب:
يشترطون على العراق مقاول اعاشة بسعر
10$ لكل وجبة ضرب 3 وجبات باليوم= 30$ دولار للداعشي الواحد ؟!
30$ ضرب (20,000+3,000) = 690,000 $
الف دولار باليوم (تقريبا ثلاث ارباع المليون دولار باليوم بس اكل وشرب) ضرب 30
يوم = 20,700,000$ عشرين مليون وسبعمائة الف دولار بالشهر ضرب 24-36 شهر مدة محاكمة
مفترضة (2 - 3) سنوات = 745,200,000$
سبعمائة وخمسة واربعون مليون و مئتان الف دولار (يعني تقريبا ثلاث ارباع المليار
دولار .
الحراسة؟! فرقتين (2) من الجيش
العراقي (20,000 الف منتسب) واذا افترضنا كلهم جنود وراتب الجندي 500$ بالشهر ضرب
(24-36) شهر = 10,000,000$ عشرة ملايين دولار ضرب (24-36) شهر محاكمة =
360,000,000$ ثلاثمائة وستون مليون دولار
المجموع = 2,300,000$ + 745,200,000$
+ 360,000,000$ = 1,107,500,000$ مليار ومائة وسبعة ملايين وخمسمائة الف دولار ...
أكرر
1,107,500,000$ مليار ومائة وسبعة
ملايين وخمسمائة الف دولار ...
هذا المبلغ هو المصاريف لمدة 3 سنوات
(36 شهر) ولا تشتمل على مصاريف المحاكم (قضاة , مدعي عام , الخ) ومصاريف اخرى
متفرقات كالنقل والملابس وغيرها ؟!
زين هسه راح تسالوني ليش كتبت او
بالاحرى ليش ال 3,000 داعشي اجنبي حطيتهم بالارقام منفصلين عن الدواعش العراقيين
؟! لالفت انتباهكم بان الدواعش الاجانب اغلبهم فرنسيين وبلچيكيين من دول المغرب
العربي وهؤلاء ستكون محاكمتهم كمحاكمة ابن العوجه في احتمالية مشاركة محامين دفاع
عالميين ممن يتباكون على حقوق الانسان ويركضون وراء حقوق الجاني بدلا من حقوق
الضحية ؟! فالكلفة والمدة الزمنية بل كل شيئ سيكون مختلف ؟! يعني لا تستغربون اذا قامت
الحكومة العراقية باحتجازهم في سجون كارفانات 5 نجوم ؟! بسبب تغطية الاعلام الغربي
؟! وشوفوا النفاق ؟! الدول الغربية ومنهم فرنسا ترفض استقبالهم وهم مواطنون
فرنسيون ؟! ولكن تطلب من العراق ان يتم احتجازهم في سجون بالمعايير ومستوى المعيشة
الفرنسي وطبعا مع محاكمات بنفس المستوى والمعيار الفرنسي؟! الصوچ مو على الحكومة
الفرنسية بل على الحمير في الحكومة والبرلمان والكتل السياسية العراقية اللي قبلوا
ان يستلموهم من قوات سوريا الديمقراطية ؟! (إن كان الخبر صحيح).
الخطورة ؟!
لا تنسوا بان ولادة داعش كانت في
معسكر بوكا (بالقرب من البصرة) حيث تم الزواج مابين عناصر تنظيم القاعدة مع
العناصر البعثية الصدامية (اغلب هؤلاء ضباط أمن ومخابرات ابن العوجة يعرفون العراق
جيدا بل يعرفون ولديهم سجلات باسماء وعناوين ومعلومات شخصية لاغلب العراقيين) نضع
هؤلاء الـ 20,000+3,000 داعشي متمرس على القتال في مكان ما في العراق وهو بلد بدون
حكومة فعالة والرشوة متسرية وهنالك تجارب حقيقية من اقتحام للسجون في العراق ؟!
ومنه فحتى لو وزعنا ال (20,000+3,000) داعشي على 5 سجون (معسكرات) فسيكون عددهم
4000+ فاذا قامت الخلايا النائمة باقتحام احد هذه السجون (المعسكرات) واطلاق
سراحهم فستكون كارثة حقيقية بمعنى الكلمة ؟!من سجن (معسكر) واحد فقط 4000+ داعشي متمرس على فنون القتال وبخبرة
عسكرية لسنيين ومعرفة جغرافية بالعراق وتخطيط وتنسيق عالي ؟! فلا سامح الله اذا
زحف هؤلاء باتجاه بغداد ؟! هل تعتقدون بان الحكومة العراقية قادره على صدهم ؟!
اصلا راح يكونون متنكرين لانهم لابسين نفس ملابس الجيش العراقي ويستعملون نفس
معدات الجيش العراقي ؟! طبعا لازم اعترف لكم بان الشيئ الرائع هو: بانهم سوف
يذبحون اغلب اعضاء الحكومة والبرلمان وقادة الكتل السياسية ؟! ولكن ولان بين هؤلاء
بعثيين صداميين سوف يتم اعلان البيان رقم واحد وعودة البعث الدموي لحكم العراق ...
اذا انتبهتم فان البعثيين الصداميين مثل الحرباء تغير لونها فقط للوصول الى السلطة
؟! كانوا بعثيين صداميين فاصبحوا قاعدة وعندما فشلت اصبحوا دواعش وعندما فشلت داعش
وهنالك فرصة فسيعودون بعثيين صداميين ... يعني شنو ؟! عودة البعثيين الصداميين
؟! هاي معلومات لجيل الحصار ولعمار الحكيم
ومن شابهه (ما كان عايش بالعراق وكان كتكوت ما يعرف شنو البعث الدموي) ؟! عودة
البعث الدموي تعني فرض التجنيد الالزامي حتى ابناء الوسط والجنوب (اولاد الخايبة) يلتحقون
بالجيش والهجوم على اقليم كوردستان ودك حروب حتى يتخلصون من الأثنين الشيعة
والكورد وتفرغ بغداد لهم ... أو الهجوم على ايران في حرب ثانية او الاثنين معا ...
ولمعلوماتكم محد راح يتحارش لا
بالسيستاني ولا بعبدالمهدي ولا بالصافي ولا بمقتدى ولا باليعقوبي ؟! هسه افتهمتوا
شنو القصة ؟!.
اكو مجنون (حكومة وبرلمان وقادة كتل
سياسية) يسمح بدخول (20,000+3,000) داعشي من سوريا الى العراق؟! انتم احكموا ؟!
ولا حول ولا قوة الا بالله العلي العظيم ...
اللهم اشهد اني بلغت ...
22-02-2019م
مع تحيات المهندس سرمد عقراوي
