ابتكارات للعراق ؟! رافعة (كرين) نقل الاشجار ؟!

ابتكارات للعراق ؟! رافعة (كرين) نقل الاشجار ؟!
نحن بأمس الحاجة الى هكذا رافعة (كرين) في العراق لنقل الأشجار ؟! وخصوصا النخلة والتي قد تستغرق لتنمو 30 سنة الا انه وبسبب عدم معرفة (جهل) نقلها بهكذا طريقة مبتكرة يتم التخلص منها بقطعها ؟! من قبل الجهلة ؟!
وللمعلومات هذه الرافعة (كرين) كانت موجودة منذ حوالي ال 40 سنة حيث شاهدتها تعمل عندما كنت مهندس مدني في احدى البلديات في الولايات المتحدة الامريكية
ومنه فلقد كان قلبي يعتصر من الألم عندما دمر ابن العوجة بساتين النخيل وخصوصا في البصرة بدون سبب ؟! بوجود هذه الرافعة ؟!
حيث كان بالإمكان نقل أشجار النخيل الى مناطق أخرى من البصرة او لغيرها من مناطق العراق الا انه ومع الأسف سلط علينا ديكتاتور جاهل ؟!
وكما يسلط اليوم علينا جهلة ... جهلة ... جهلة ؟!
ولا حول ولا قوة الا بالله العلي العظيم انا لله وانا اليه راجعون ....
06-06-2012م
مع تحيات المهندس سرمد عقراوي

 

خواطر: أكبر وابسط خيانة لكل وزراء الحكومة واعضاءالبرلمان ولمن يعرف ولم يخبر الشعب العراقي؟!

خواطر: أكبر وابسط خيانة لكل وزراء الحكومة واعضاءالبرلمان ولمن يعرف ولم يخبر الشعب العراقي؟!
(كتبت المقالة سنة 2007م والى اليوم انتظر من سيتصدى للموضوع)

اذا قررت أن تصبح مرجع وأحد المسلمين نام جائع في الصين سوف تحاسب يوم القيامة على جوع هذا المسلم حساب عسير ؟! ولن ينفعك تقليد من قلد او عمامتك السودة ؟! ولا حجة اللي كان گاعد بالنجف بالثمانينات ؟! ما شفنا ؟! من واجبك تبحث وتشوف وتتجول بالاسواق وتسال عن احوال الناس وليس السكن في دربونه ما تطلع منها الا للقبر بحجة انت مرجع كبير ؟! وإلا ... لا تتصدى للمرجعية افسح المجال لغيرك ... المهم

نفس الشيئ ينطبق على كُل من رئيس الوزراء الى اعضاء البرلمان وينطبق علي لانني اعرف !!!! شلون اعرف لانني اقرء واحاول ما تفوتني لا صغيرة ولا كبيرة لانها مسؤولية شرعية ؟! المهم

قرر من قرر بان اجازات شركات التلفون الخلوي (الموبايل) في العراق هي 4 أكرر 4 ؟! منو قرر ؟! ما اعرف ؟! بس اني اتعامل مع ما هوموجود ... زين اليوم هنالك 3 شركات وين الشركة الرابعة ؟! الإجازة لشركة موبايل رابعة موجودة ولم تباع بالمزاد ؟! أكرر هنالك إجازة رابعة (لشركة موبايل) لم تباع ؟! وين الخيانة ؟!

الخيانة هي : ليش ما استعملتوا الاجازة الرابعة لتأسيس (شركة اتصالات وطنية) تابعة للدولة العراقية وطبعا ومنه فكل عراقي يستعمل الموبايل من (شركة الاتصالات الوطنية) الفلوس (اجور المكالمات , خدمات الشركة , الخ) سوف تذهب الى جيب الدولة او الخزينة العراقية ؟! وانا متأكد بان 99% من العراقيين إن لم نقل كُلُهُم  راح يحولون على (شركة الاتصالات الوطنية) التابعة للدولة العراقية ومنه سوف يكون كل ما يصرفونه من فلوس كاجور لمكالمات الهاتف الخلوي (الموبايل) سوف يكون دَخل قومي للدولة العراقية وبالطبع سوف يدعم الخزينة العراقية لان (شركة الاتصالات الوطنية) هذه هي ملك للدولة حسب الاجازة الرابعة .... ولمعلوماتكم شركات الاتصالات تجني ارباح خياليه تصل الى عشرات المليارات من الدولارات بالسنة ؟! ومنه ايضا فكم عراقي سوف تُشَغِل (شركة الاتصالات الوطنية) هذه وتنقذه من العوز والبطاله ؟! انتم عندكم الحساب ... وان شاء الله مفهومة ...

اغلب الدول العربية ومنها الخليجية الغنية تكون شركة الموبايل تابعة للدولة ومنهم الامارات (اتصالات) و السعودية (الاتصالات السعودية) أنا اقول حسب فهمي بأن الامارات دولة غنية والسعودية دولة غنية الا انها تعتبر اجازة الموبايل حكر على الدولة (كلام سليم وصحيح) ومنه إيراد مالي للدولة الاماراتية والسعودية والتي هي اصلا غنية ؟! نگول بالعراقي: زنگينه من گاعها ... فما بال العراق الفقير (واقع حال) بسبب هكذا خيانات؟! فما بال ليس من بول مكرم السامع ولكن الظاهر عمليا هو كذلك ؟! مضحك مبكي .... هههههههههه

الله عليكم شفتوا ابسط واكبر من هذه الخيانة للعراق وللشعب العراقي ؟! لو اني غلطان ؟!

الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ ... والمصيبة هنا هي: الحكومة والبرلمان العراقي ...

ولا حول ولا قوة إلا بالله العلي العظيم , إِنَّا لِلّهِ وَإِنَّا إِلَيْهِ رَاجِعونَ ....

اللهم اشهد اني بلغت ...

07-07-2007م

مع تحيات المهندس سرمد عقراوي

مقالاتي تعبر عن رأي الشخصي والديمقراطية في نظري هي ليست إنتخابات فحسب ؟! بل هي تبادل حر للأفكار والآراء لمنفعة الناس مع إحترام العرف العام وبدون الخوف من التجريح والتهديد والوعيد. انا لست صحفي ولا اكتب من باب السمعة او الشهرة , وكتاباتي ليست لا تفاخرا ولا مدحا بنفسي لا سامح الله ولكنني عشت في الغرب معظم حياتي وتعلمت منهم بان اكتب عن تجاربي كما يكتبون عسى ولعلها ان تنفع الاخرين ؟! وكما انا انتفع واستفيد من قراءة تجارب الاخرين؟! ومن باب زرعوا فاكلنا نزرع فيأكلون ؟! واختم بالقول: خير الكلام ما قل ودل.

أول الغيث قَطَر ثم ينهمر المطر ؟! السيول والفيضانات تجتاح العراق ؟!

أول الغيث قَطَر ثم ينهمر المطر ؟!
السيول تتسبب في انهيار جسر في قضاء طوزخورماتوا مما ادى الى قطع طريق بغداد - كركوك وطريق كركوك - اربيل وهذا يعني قطع الطريق مابين بغداد - اربيل والمهم لنقل البضائع والتجارة بين الاقليم والمركز ... زين هسه هاي الامطار البسيطة تسببت في انهيار الجسر ونحن في فصل الخريف فماذا سيحدث عندما تذوب الثلوج في تركيا في فصل الربيع القادم 2019م والسدود التركية ستكون ممتلئة بالماء بسبب الامطار مما سيضطر تركيا الى اطلاقها باتجاه سوريا والعراق ...
الا تتفكرون الا تتدبرون اليس فيكم رجل رشيد ؟!
ولا حول ولا قوة الا بالله العلي العظيم
الخبر بتاريخ 09-12-2018م

 

فيضانات رهيبة ستجتاح العراغ (العراق) الربيع المقبل (2019م) ؟!

فيضانات رهيبة ستجتاح العراغ (العراق) الربيع المقبل (2019م) ؟!

هذا نفق شقلاوة اليوم ...

اليوم (21-12-2018م) سينتهي فصل الخريف وسوف يبدا فصل الشتاء ,

واذا استمر فصل الشتاء بهكذا امطار فسيعاني العراغ (العراق) من موجات فيضان رهيبة في الربيع المقبل (2019م) ؟! لا سامح الله ...

21-12-2018م

مع تحيات المهندس سرمد عقراوي

 

 

خواطر: مطر ... مطر ... مطر ؟! خير من الله للعراق ؟! إذا الشعب والحكومة تفتهم؟!

خواطر: مطر ... مطر ... مطر ؟! خير من الله للعراق ؟! إذا الشعب والحكومة تفتهم؟!

تركيا بلد ذوو امكانيات محدودة ؟! فمن اعطاها فلوس لتبني 22 او يمكن 23 سد على نهري دجلة والفرات ؟! طبعا الماسونية (الصهيونية) العالمية ؟! ليش ؟! حتى اذا العراق هدد اسرائيل فستقوم الطائرات الاسرائيلية بقصف 3 او 4 سدود فقط في اعلى النهر ومنه فسيؤدي ذلك الى انهيار بقية السدود على مسار مجرى نهري دجلة والفرات ويغرق (أكرر يغرق) العراق بكامله ؟! يعني ابادة جماعية ؟! الصهاينة يوميا خابصينا بابادة هتلر لليهود ؟! الا انهم لن يترددوا بفعل نفس الشيئ وهذه هي الطامة الكبرى ؟! لان الحكمة تقول: لا تنهى عن شيئ وتأتي بمثله ؟! وعلى فكرة في منتصف التسعينات شاهدت برنامج مقابلة مع أم وأب يهود يتبرؤون من ابنهم على الهواء مباشرة في برنامج تلفزيوني امريكي لان الأبن كتب كتاب وثائقي يثبت يه بان الماسونية (الصهيونية) العالمية اتفقت او سمحت لـ هتلر بقتل اليهود الفقراء لكي لا يكونوا عبئ وجواسيس بسبب العوز والفقر على الأمة اليهودية.

المهم ... كل الدلائل تشير بان فصل الخريف والشتاء والربيع لسنة (2018-2019م) في تركيا والعراق وبلاد الشام سيكون ماطر (من المطر) ؟! يعني شنو ؟! يعني ليس فقط سدود تركيا ولكن سدود سوريا وحتى ايران سوف تمتلئ بالماء وغصبا ما عليهم راح ينجبرون ( الله يجبرهم) على اطلاق كميات من الماء بل كُل كميات الماء في الربيع القادم (2019م) وهذه الكمية من المياه كافية لاصلاح ما خربه هدام العراق من الاهوار في العراق ... اعيد لو افتهمتوا ؟! لو يطلقون كُل الماء ( لو تنكسر السدود لان ماء مطر الخريف والشتاء 2018-2019م جعلها ممتلئة) ؟! فيجب على الحكومة العراقية وبالخصوص وزارة الموارد المائية من اليوم البدء بتحضير ما يلزم لاعادة الحياة الى اهوار العراق بالتعاون مع الامم المتحدة والدول ذات العلاقة ؟! كالاتحادالاوربي لاعداد برنامج شامل كامل لاستقبال (الماء) وهو الخير اللي الله سبحانه وتعالى غصبا ما على تركيا وسوريا وايران سيجلبه للعراق ولاهوار العراق في الربيع القادم (2019م) ان شاء الله ؟! يعني أي حكومة من حكومات دول العالم العاقلة والفاهمة والعلمية والعملية راح تسوي هذا الشيئ ؟! يمكن بس حكومة العراق البطيخ ؟! مع الأسف ؟!من الممكن  لا سامح الله أن تفوت هذه الفرصة الذهبية ؟! والتي لا سامح الله قد لا تأتي لـ 50 سنة قادمة ؟! اقول والحسرة تعصر قلبي ؟! هل هنالك من آذان صاغية لما كتبته في هذه السطور وحول هذا الموضوع ؟! ام ان الحكومة والشعب العراقي لا يحسنون الا تذَكر الماضي والبكاء على الأطلال ؟! أما الحلول العلمية والعملية ؟! فهي ضرب من الخيال والاحلام الوردية ؟! وكما قال لي احد الجهلة المقرب من زعيم الجهلة في تعليق ؟! انت اشكد خيالي وعايش بالمثاليات عندما ضغط على نفسه وقرء البعض من مقالاتي على هكذا منوال ؟!  فقال: انت بطران منو يقرء منو يكتب ليش مدوخ نفسك ؟! وجوابي بسيط : مدوخ نفسي لانني سوف احصل على الأجر والثواب من الله سبحانه وتعالى وكان البرنامج تم والاهوار عادة للحياة وانت ايها الجاهل سوف تحاسب يوم القيامة ؟! لانك في موقع مسؤولية وقرأت المقالة ولم تفعل شيئ ؟!

والمثل يقول: الدال على الخَير كفاعِله ؟!

بالعراقي اللي يدلي ( يدل , يرشد) الناس على طرق الخير يحصل نفس أجر اللي يسوي الخير (اللي دَل عليه)...

وهذا والله سبب كتابتي لكل هذه المقالات لتكون رصيد لي عند الله يوم القيامة ان شاء الله ...

ولله في خلقه شؤون

اللهم اشهد اني بلغت

12-12-2018م

مع تحيات المهندس سرمد عقراوي

مقالاتي تعبر عن رأي الشخصي والديمقراطية في نظري هي ليست إنتخابات فحسب ؟! بل هي تبادل حر للأفكار والآراء لمنفعة الناس مع إحترام العرف العام وبدون الخوف من التجريح والتهديد والوعيد. انا لست صحفي ولا اكتب من باب السمعة او الشهرة , وكتاباتي ليست لا تفاخرا ولا مدحا بنفسي لا سامح الله ولكنني عشت في الغرب معظم حياتي وتعلمت منهم بان اكتب عن تجاربي كما يكتبون عسى ولعلها ان تنفع الاخرين ؟! وكما انا انتفع واستفيد من قراءة تجارب الاخرين؟! ومن باب زرعوا فاكلنا نزرع فيأكلون ؟! واختم بالقول: خير الكلام ما قل ودل.

دواء جديد لعلاج السرطان ؟!

دواء جديد لعلاج السرطان ؟!
أجازة إدارة الادوية الفيدرالية الامريكية قبل شهر تقريبا وبسرعة أول عقار لعلاج السرطان (بعيد البلاء عنا وعنكم وما عندكم الا العافية) وهو وبعكس العلاج الكيميائي الذي يهاجم كل الخلايا فهو فقط يهاجم (اكرر فقط الخلايا السرطانية) وكما ويعالج هذا الدواء أنواع من هذا المرض الخبيث بنسبة 75% وأنواع بنسبة 53% وياتي هذا العقار (الدواء) من شركة BAYER بايير وهي الشركة التي أعطت العالم الاسبرين ...
 وقاكم الله من شر كل مكروه وما عندكم الا العافية ...
انشروها ولكم من الله الأجر والثواب ...
11-2018م

 

خواطر: يمكن (أكرر يمكن) حليت لكم مشكلة الكهرباء بالعراق ؟!

خواطر: يمكن (أكرر يمكن) حليت لكم مشكلة الكهرباء بالعراق ؟!

راح ادخل بالموضوع مباشرة والمقدمة بالاخير ؟!

المولدة تتكون من محرك (ماطور = موتور) يشتغل على البانزين يدور ملف من اسلاك النحاس في تيار مغناطيسي يولد طاقة كهربائية مقدار الطاقة الكهربائية تعتمد على سرعة الدوران , شدة الحقل المغناطيسي , طول اسلاك النحاس في الملف (الكويل).  , بالنسبة لمشروعنا هنا بس سرعة الدوران مهمة.

نستبدل محرك البانزين اللي بالمولدة بمحرك كهربائي يشتغل على 2 او 3 او 4 امبير تجاري

المحرك الكهربائي راح يدور نفس الملف الكهربائي (الكويل) فالمفروض ينتج نفس الطاقة الكهربائية

عدد الدورات بالدقيقة للمحرك الكهربائي لازم تكون نفس عدد الدورات لمحرك البانزين

ليش الناس ما تفكر ؟! او الصين ما تنتج ؟! لانه تعريف المولدة انه انت ما عندك (أكرر ما عندك) تيار كهربائي وتريد تولد تيار كهربائي ؟!.

بطريقتي عندنا كهرباء مولدة خلي نقول 4 امبير تجاري راح استعملها لتشغيل محرك كهربائي بنفس عدد دورات بالدقيقة لمحرك البانزين لانتاج طاقة كهربائية اكثر (اكبر) وكما تفعله المولدة ... ولذلك الناس ما تجي على بالها الفكرة ...

شلون ؟!

نجيب محرك كهربائي (ماطور مبرده مثلا) ونشكله على مولده ونشوف النتيجة ؟! لازم نجرب ونشوف ؟! أكرر لازم نجرب ونشوف ؟! منو منكم راح يتبنى قضية التجربة ويحصل على الأجر والثواب لكل هذه العالم اللي راح تستعمل الفكرة من نجربها وتنجح ؟! اني حصلت على الأجر والثواب فقط من الفكرة ...

القصد هنا انت عندك مولدة تولد 10 امبير راح تستعمل ماطور كهربائي يسحب من ابو المولدة 2 او 4 امبير وبالنتيجة سيكون عندك 10 امبير ....

الفوائد: لا صوت , ولا بانزين , ولا دهن محرك , ولا تلوث بيئي والأهم حصلت على 10 امبير  بدفع فلوس لابو المولدة ل 2 او 4 امبير شوف شنو كم امبير المحرك (الماطور)  الكهربائي راح يسحب اللي راح يشغل المولدة أم ال 10 امبير ...

كتبتهاعلى عجاله لانه اذا نجحت الفكرة ... حليت مشكلة الكهرباء في العراق ... ان شاء الله ...

12-12-2018م

مع تحيات المهندس سرمد عقراوي

أسرَعُ العِقَاب نِكران الجَمِيل؟!

أسرَعُ العِقَاب نِكران الجَمِيل؟!

عندنا بالعراق مثل مشهور: إتَقِ شَرَ مَن أحسَنتَ اليه ...

ولكن في الحقيقة لو تفقهتم بالدين لوجدتم بأن مِن اسرع من يعاقبه الله ؟! هو ناكر الجميل ...
وعقاب الله لناكر الجميل يكون: بالبلاء ومنه انواع واشكال من المشاكل والبلاوي والأمراض ومنه قصر العمر بل الموت.
ولذلك مرات اني من اشوف احدهم ناكرا للجميل عندما أُحسِنُ اليه بـ  (نصيحة , مساعدة , عطاء ,  الخ).
أولا احاول ان الفت انتباهه بهذه السطور مثلا  ؟! لكي يتنبه على نفسه ويغير  نفسه  ؟! أما إذا لم ينتبه ويغير  نفسه ؟!
فانا ابتعد عنه لانني اعلم بانه جاهل وإن استمريت في الإحسان اليه بـ  (نصيحة , مساعدة , عطاء ,  الخ)
فسوف يبتلى بالمشاكل والامراض وقصر العمر بَل وحتى الموت لأنه ناكر للجميل الذي اقدمه له من (نصيحة , مساعدة , عطاء ,  الخ).
قال تعالى: هَل جَزاءُ  الإحسَان  إلا  الإحسَان ...
ورد في الحديث: لعن الله قاطعي سبل المعروف، قيل: وما قاطعوا سبل المعروف؟
قال: الرجل يصنع إليه المعروف فيكفره (يُنكِرُهُ = لا يَعتَرِفُ بِه = لايُقَدِرُهُ) فيمتنع صاحبه من أن يصنع ذلك إلى غيره.
مع تحيات المهندس سرمد عقراوي 1991م

 

 

أغلب نسوان هذا الزمان ؟! والغريب بأن الرجل هو الذي لازم يعتذر ؟!

أغلب نسوان هذا الزمان ؟! والغريب بأن الرجل هو الذي لازم يعتذر ؟!

 

خواطر: التجنيد الالزامي في العراق؟!

خواطر: التجنيد الالزامي  في العراق؟!

خدمت في قاعدة عسكرية كبيرة للجيش العراقي كمستشار من سنة 2007 الى 2010 م ...

الجيش العراقي ليس لديه البسه عسكرية للجنود والضباط اليوم ولا يستطيع توفير الميرة  (أكل , شرب الخ) إلى كُل وحدات الجيش وليس لديه إمكانية حتى لايصال العتاد اللي هو اهم شيئ للوحدات المختلفة واصدمكم ليس للجيش العراق أجهزة اتصالات شاملة مع كل الوحدات العسكرية (يستعملون موبايل) ههههههه ...

قرأت احصائية بان 36% من الشعب العراقي من مواليد 1993 فما فوف ؟! وهذا يعني  بان احصاء السكان التقريبي للعراق هو 36 مليون نسمة ضرب خلي نقول نص ال 36%  الي هو 18% ضرب 36 مليون=  6,480,000 ستة ملايين ونص للتقريب جندي مكلف ؟! زين هاي الاعداد الكبيرة من الشباب منين راح تجيبون ملابس عسكرية (راح تذبوها براس الجندي الفقير هو يشتري تجهيزات عسكرية لنفسه) ومنين راح تجيبولهم ابسط شيئ وهو الأكل والشرب (الميرة) وقول السلاح موجود (البنادق والرشاشات)  بس شلون راح توصللوهم عتاد ؟! حتى يقدرون يدافعون عن نفسهم ضد عملية ارهابية مثل عملية سبايكر مثلا؟!.

هل تعلم بان الآمر النزيه يصاب بالذعر كل رأس شهر لانه موعد توزيع الرواتب  ؟! وهذا لانه في اي لحظة تطب عليه لجنة عسكرية من وزارة الدفاع وتحيله للتحقيق بتهمة اختلاس الرواتب ؟! تدرون يعني شنو يحال للتحقيق ضابط او جندي عراقي ؟! ينحط بالسجن وينقطع الراتب عن عائلته واطفاله الى انتهاء التحقيق ؟! بس شوفوا وين الأضرب ؟! لاتوجد آليه لرد الاعتبار للضابط (او حتى الجندي) اذا كان بريء ؟! فيلفقون (يخترعون) له تهمة حتى لا احد يسال ويقول: انتوا سجنتوه 6 شهور او سنه او شوف شنو المدة مثلا وهو بريء ...

هل تعلم بان كل سيطرات العراق وبالخصوص لمدينة بغداد بيد العاهرات المومسات ؟! والعاهرات المومسات بيد من يدفع اكثر ؟! تصدر الحكومة قرار بعدم مرور سيارات المنفيست مثلا ؟! يجيبون عاهرة مومسه ويدفعون لها ورقتين (200 دولار) مثلا تركب السيارة وتدخل السيطر الجندي المسكين ابن الخايبه يقول لها:ممنوع هاي السيارة تدخل ؟! فورا تكشف عن صدرها وتقول للجندي:  دتشوف هاي العظه على صدري هاي الآمر مالتك سواها (طبعا صدق) اذا ما تخليني ادخل هسه اخابره ... هسه عرفتوا شلون السيارات المفخخه تدخل بغداد وغيرها من المدن....

مع الأسف الجيش العراقي جيش بطيخ ....

بعد دخول داعش الموصل 2014م ... قرأت تقرير امريكي في وسائل الاعلام ومن شهادات منتسبي الفرقة الذهبية اللي هي المفروض تكون احسن فرقة بالجيش العراقي  ... دخل الامريكان لتقييم الفرقة الذهبية ووجدوا بان الاسلحة قد اصبحت قديمة وبدون صيانه او تجديد والمعدات العسكرية اغلبها مستهلكة ؟! لوما الامريكان اعطوهم سلاح ومعدات عاجله من مخازن الجيش الامريكي والا لكان شراء المعدات من قبل وزارة الدفاع العراقية مع الخمط راح يطول على الاقل سنة ... بالعقل والمنطق اذا احسن فرقة بالجيش العراقي ؟! وهذا حالها فما بال الفرق العادية ؟!....

الفكرة فاشلة 100 بالمئة لان اهم شيئ في أي جيش هو الدعم اللوجستي؟!  لكل جندي امريكي كان يخدم  في العراق كان هنالك 5 اشخاص يقدمون له دعم لوجستي ... وتدرون القانون الدولي يقول: اعلى سن للخدمة العسكرية هو: 35 سنة؟!

الجيش العراقي فاشل 100 بالمئة والاحسن تحترمون نفسكم وما تقومون بخطوة تخرب بيوتكم ... شباب وبيدها سلاح وبالجيش وما عندها اكل ؟! تسقط المنطقة الخضراء وانتم يا اعضاء الحكومة والبرلمان تنذبحون خلال شهور من اعلان التجنيد الالزامي ... وللمعلومات انا من المؤيديين للتجنيد الالزامي حتى الشباب ما يصيرون( بزر نستلة) ولكن هنا وفي هذا اليوم وبحالة الجيش العراقي هكذا ستكون فاجعة كبرى .... ومنه حتى اذا مو انقلاب منظم من قبل ضباط او مليشيات راح يصير فرهود وذبح كل أعضاء الحكومة والبرلمان وانفلات امني قد يرجع العراق الى حكومة ديكتاتورية مدعومة من شوف منو (قطر , السعودية , الخ) ؟!  باستغلال الإنفلات الأمني ... مع احترامي للجميع غير واحد يحضر المعلف قبل الحمار؟!  والامثال تضرب ولا تقاس ... ورحم الله امرء عرف قدر نفسه ...

كتبتها على عجالة من قهري ؟! لانني تذكرت العجائب التي شفتها من سنة 2007 -2010 م خلال خدمتي كمستشار للجيش العراقي وانا ادري بأن ما خفي اعظم ...

ولا حول ولا قوة الا بالله العلي العظيم ...

05-12-2018م

مع تحيات المهندس سرمد عقراوي

خواطر: ارباح البنوك (الفائدة=الفايز) هل هي ربا ؟! رأي السنة والشيعة ؟!

خواطر: ارباح البنوك (الفائدة=الفايز) هل هي ربا ؟! رأي السنة والشيعة ؟!

سوف ابدا برأي الشيعة لانهم يأخذون بالتعريف الاسلامي للربا ؟!

الشيعة يقولون بان الارباح التي تعطيها البنوك ليست ربا ؟! ليش ؟! لان تعريف الربا في الشرع الاسلامي (سنة وشيعة) هو: تعطي فلوس 1- انت تشترط نسبة الفائدة 2- وهنالك عواقب مادية اذا لم يتم دفع المبالغ المترتبة كمضاعفة نسبة الفائدة او غيرها ؟! هذا هو تعريف الربا عند السنة والشيعة (الشرع الاسلامي).

حسب رأي الشيعة انت تضع فلوسك بالبنك 1- لا تشترط عليهم نسبة الفائدة بل هم يريدون ان يعطوك كذا نسبة فائدة 2- ليس هنالك عقوبة على البنك وحتى اصلا اذا لم يرجع لك فلوسك ؟! كاعلان افلاس البنك ؟! اذن حسب التعريف الاسلامي (سنة وشيعة) هذا ليس ربا ...

حسب رأي السنة وقبل ان ابدأ به اصدر جمهور علماء السنة فتوى بجواز شراء البيت للسكن في الغرب باخذ قرض من البنك (طبعا مع فائدة) لانه لا يمكن شراء بيت في الغرب بغير طريقة القرض من البنك مع فائدة ؟! واقصد بان اغلب الناس ليس لديها امكانية لشراء بيت نقدا (كاش) ؟! ومع انهم افتوا (من فتوى) بان اخذ القرض مع الفائدة للسكن ليس ربا ؟! الا انهم يعتبرون وضع الفلوس بالبنك واخذ الفائدة عليها ربا ؟!

كمز واحد وقال: وانت منو ؟! يقصد أنا كاتب هذه السطور ؟! حبيبي اني عايش بالغرب لمدة 32 سنة وهذه المسائل سنية او شيعية مرت علي قبل 32 سنة ؟! انتم هسه خرجتم من سجن هدام العراق وهسه ياالله بدأتم تتناقشون بهذه الامور والمسائل المهمة بعد ان تغرب البعض منكم ؟! ولذلك مرات اضطر أذكُر شهاداتي أو  أوضح خبرتي او سنيين عيشي بالغربه ليس مدحا بنفسي لا سامح الله ولكن كإثبات للبعض من هؤلاء الجهلة مع الأسف ؟! وانا لا القي اللوم العراقيين المساكين ولكن القي اللوم وأجَرِم حزب العبث وهدام العراق.

ولله في خلقه شؤون

02-02-2000م

مع تحيات المهندس سرمد عقراوي

بدون تعليق ؟! مسلمون أم مسيحييون ؟! الكَيل بمكيالين ؟!

بدون تعليق ؟! مسلمون أم مسيحييون ؟! الكَيل بمكيالين ؟!

 

لو كان هنالك 100 عراقية مثلها و100 عراقي فسيصبح العراق دولة عظمى ؟!

لو كان هنالك 100 عراقية مثلها و100 عراقي فسيصبح العراق دولة عظمى ؟!
ووالله هنالك مليون امراة عراقية مثلها ومليون عراقي مثلها !!!!
ولكن يشغلوننا في حروب لكي نهاجر الى ( لندن وواشنطن ودبي الخ) لنخدمهم ...
بدل من ان يصبح بلدنا العراق دولة عظمى ؟!
خيبر خيبر يا يهود جيش محمد من العراق سوف يعود ... ...
وغصبا ما عليكم وعلى اللي خلفوكم مع الامام المهدي سنصبح اسياد العالم ...
وسيكون ذلك بسبب وثمن ظلمكم لنا على مر العصور ...
وان غدا لناظره لقريب ..
ويحسبونه بعيدا وهو قريب ...
وَنُرِيدُ أَن نَّمُنَّ عَلَى الَّذِينَ اسْتُضْعِفُوا فِي الْأَرْضِ (العراقيين) وَنَجْعَلَهُمْ أَئِمَّةً وَنَجْعَلَهُمُ الْوَارِثِينَ ...

 

 

قَارِئَة الفنجَانْ ؟!

قَارِئَة الفنجَانْ ؟!
 

دخلت مكتبي الساعة الخامسه عصرا فاستقبلتني فتاة في منتصف العشرينات....

فسألتها من انت ؟!... فقالت انا المضيفه الجديده..... شتريد تشرب استاذ ؟!....

من فضلج كاﭘچينو بالكريم مو بالحليب....... حاضر استاذ.....

عفوا من فضلچ لا تسميني استاذ فانا اضوج من هالكلمه.... وبيها قصه طويله....

ممكن تسميني مهندس سرمد..... زين استاذ... اوه قصدي مهندس سرمد......

ذهبت وعادت بعد 5 دقائق..... مهندس سرمد... ممكن اسويلك گهوة عربيه بدل الكاﭘچينو.....

ليش ؟! ماعدنا كريم بالثلاجه.... لو بعدج جديده ما تعرفين تسويها ؟!........ لو شنو؟!

استاذ اوه عفوا مهندس سرمد اريد اسويلك گهوة عربيه حتى اقرالك فنجان......

ههههههههههههههه... بنتي... وانت شويه اكبر من بنتي.... اني ما أؤمن بهذه الاشياء....

الله يخليك مهندس سرمد......اسمحلي...... زين.... زين.... اشرب گهوة وامري لله......

شكرا..... شكرا.....

فكرت موظفه جديده وماردت اكسر خاطرها فهي قرويه وبريئه وينكسر گلبها (قلبها) بسرعه

وجايه تريد تعيش وتكسب رزقها وخفت انها تخاف انه اني ما راضي عليها ....

وتضرب اخماس باسداس... اني راح اطردها...... فوافقت على شرب القهوة.......

عادت بعد ربع ساعه وبيدها فنجان القهوة....... جلست امامي وانا اشرب فنجان القهوة...

استاذ سرمد.... انت خليجي....لا... عراقي.... ليش....

لانك لا ارادي تحچي وي النسوان خليجي....

بس وي الرياجيل.... عراقي.... حيرتني.........

زوجتي الأولى كانت كويتيه وانا متعود احچي وي النسوان خليجي الى ان اتعود عليهم....

اكو واحد يترك الخليج ويجي للعراق ؟!..................

كنت في البدايه اشرح للناس... بس بعدين بطلت.... لانه مفاهيم حب الوطن... انعدمت عندكم...

هه استاذ خلصت الگهوة.... مو گلنا بدون استاذ........

العفو... نسيت.... مو مشكله.... حاولي تتذكري.......

اخذت مني الفنجان وقلبته بسرعه..... وهي تنظر اليه وتنتظر.........

لم تتكلم وهي تفكر بل تنتظر بفارغ الصبر لتقرا لي الفنجان......

جائتني بعض الرسائل القصيره من اصدقاء بالتلفون وانشغلت بها......

فقالت مهندس سرمد جاهر لأقرأ لك الفنجان...... ضحكت...... وقلت على راحتچ....

الفنجان املس يعني حياتك نور.....

هنالك عين في الفنجان يعني انت محسود...

هنالك حلگ (فم) بالفنجان يعني اگو ناس دتحچي عليك......

هنالك درج بالفنجان يعني راح تصعد........

وهنالك طريق بعد الصعده يعني سفر.......

ضحكت...... كثيرا...... وتذكرت كتاب من تأليف امريكي وعنوانه:

كيف تتحدث مع نفسك.......

مهندس سرمد ليش تضحك....... اني متعود على الضحك... تدرين ليش.....

مو استهزاء لا سامح الله.... ولكن دائما اتذكر المثل العربي:

شر البليه ما يضحك.....

بنتي اني بهاي الدنيا شايف وعايف..... معظم التجارب اللي مريت بيها مواقف من هذا النوع....

ما افتهمت...... ممكن تشرحلي..... لا اذا اشرحلچ اطول سنيين...... المهم....

خلينا بالفنجان.... وهاي أول مرة من سنيين اعيد تقييمي لقراءة الفنجان......

شنو تقييمك...... ها اگولچ......

احنا شنسمي اللي سويتيه ؟! قراءة فنجان...... لا .... افتح لك فال بالفنجان.........

صح..... كلنا ننسى.......

اذن كل اللي قريتيه بالفنجان كان فال..... يعني دتتفاولين عليه........

حتى تبقى بمخي ويمكن تصير........ ولذلك اني ما اتفاول على الناس بالشر ابدا.....

هاي اولا...... وثانيا.... خلي اشرحلچ اللي گلتيه وتفاولت عليه بيه.......

•             الفنجان املس يعني حياتك نور

اني اصلي وكلمن يصلي لازم حياته تصير نور...... والا.....

لازم لو اكو خلل بصلاته لو ديرتكب ذنوب كبيره كل يوم تحبس النور.....

•             هنالك عين في الفنجان يعني انت محسود...

كل انسان لازم يكون محسود..... لانه دائما اكو ناس اقل منه بالدنيا.......

•             هنالك حلگ (فم) بالفنجان يعني اكو ناس دتحچي عليك......

كل انسان الناس لازم تحچي عليه حتى ولو كان بالخير...

وانتوا النسوان ما شاء الله گالت فلانه وحچت فستانه...

يعني انتي من قريتي فنجاني ما راح تروحين تخابرين صديقاتچ وتحچيلهم

شنو اللي كان بالفنجان واشصار وياي اليوم...

•             هنالك درج بالفنجان يعني راح تصعد........

الدنيا تصعد وتنزل بالانسان والحمد لله گلتي تصعد مو تنزل.......

•             وهنالك طريق بعد الصعده يعني سفر.......

يعني من اخلص هنا واروح للبيت هم هذا سفر .... ويمكن السفر رحله من المكتب الى البيت....

ويمكن رحله اطول.........

استاذ سرمد... اوه قصدي مهندس سرمد.....

اني ما سامعه هيچي تحليل منطقي بحياتي......انت منين تجيب هالافكار......

الله يعلمني... والله يعلم كل البشر....

على شرط ان يصفي الانسان نيته....ويكون قلبه ابيض.... بعدم ارتكاب الذنوب...

فتتساوى فطرة العقل الباطن مع العقل الظاهر....

فيصير اللي بگلبهم (بقلبهم) على لسانهم ....

وأهم شيئ انه الانسان يفتح گلبه (قلبه) لشخص يحبه....

حتى يصير تدريب انه يفتح گلبه (قلبه) لله سبحانه وتعالى......

ولازم يعرف شلون يدعوا الله حتى يعلمه.....

مهندس سرمد .......ممكن تشرحلي .......

ببساطه واختصار......من كان عمري 6 سنوات .....وكنت اريد اعرف شيئ....

كنت اصفي نيتي.... وافتح گلبي (قلبي).....واصلي..... وادعي..... والله يعلمني.....

واذا ما استجاب لي وعلمني... كنت اعرف بانني لازم مسوي شي غلط  لو حرام...

فاستغفر الله..... واصلح نفسي........ واسوي خير...

ومن يستجيبلي... اعرف انه اني صلحت نفسي...

واستمريت على هالحال كل عمري والى اليوم........

يعني بعد ما اقرأ فنجان ؟!..... اني ما گلت لا تقرين فنجان....

مو شغلي.... اني بس فسرتلچ.... القرايه..... وانت بكيفچ.........

بس اگول وهاي نصيحه......لا تتفاولين على الناس بالشر وان كان بالفنجان.......

گالولي اكو مدير مينگدرله حتى بالفنجان....... طلعت انت.......

هذا من فضل ربي.....اعطاني ليرى... اأشكر..... أم..... أكفر........

وان شاء الله ساكونن من الشاكرين...................

هههههههههههههههههههههههههههههههه

وقبل ما انسى..... انت امرأة وعندج رادارات.... مو مثل الرياجيل ما عندهم رادارات......

وكنت تعرفين كلش زين..... اني هو المدير اللي مينگدرله حتى بالفنجان....

بس ردتي تجربيني.....

تبتسم ابتسامه تدل على انها انكشفت...........

 

13-04-2013م              

مع تحيات المهـندس ســرمـد عـقـراوي