خواطر: كيف تحافظ على خصوصيتك عبر وسائل التواصل الاجتماعي ؟!

خواطر: كيف تحافظ على خصوصيتك عبر وسائل التواصل الاجتماعي ؟!

هنالك كومبيوترات عملاقة وبها قاعدة بيانات ضخمة التخزين في اسفل جبل في الولايات المتحدة الامريكية تقوم بتخزين كافة المحادثات التلفونيه في العالم (أكرر كافة = كل) .... وبعد اختراع المسنجر والفيس بوك وغيرها من وسائل التواصل الاجتماعي , بدات بتخزين كل هذه المراسلات والمحادثات ايضا , يعني عبالكم ثورة الكومبيوتر هي لونستكم او لراحتكم ؟! هههههههههههههه ؟! بل هي للتجسس عليكم ؟! فقط لا غير ؟! زين هسه واحد يجي ويكولي:

سرمد خلي نكون واقعيين وعمليين هذا هو النظام المتبع ؟! ومستحيل اكو واحد ما راح يستعمل التلفون الأرضي او الخلوي او الفايبر او الوتساب او المسنجر او الفيس بوك ممكن تساعدنا ؟! أي ممكن ؟! وسوف اشرح لكم كيف تحمون انفسكم ؟! بالمثال التالي:

امرأة في العراق انخطبت وتريد ان تستفسر من اختها المقيمه بالسويد عن تفاصيل ليلة الدخله ؟! طبعا كل النساء تفعلها الا انك ان سالت عروستك ليلة الدخلة ؟! هل علموك النسوان ؟! سيكون الجواب موحد وهو: قالوا لي هو راح يعلمج ؟! كذب فاضح .... لقد شرحوا لها وبالتفصيل الممل ما سيحدث ؟! زين هاي المحادثه في وسائل التواصل الاجتماعي سواءا اكانت صوتيه او كتابيه ستكون حساسه وخاصة ولا نريدها ان تقع بيد من سيستعملها لاغراض دنيئه ؟! شنو العمل ؟!

اولا: لا تذكري اسماء ؟!

بدل من ان تقولي: خطيبي اسمه سالم .... قولي خطيبي فقط ؟! او سوسو او شيئ من هذا القبيل ؟! منو هو سوسو ؟! لا احد يعرف ؟! مبهم (غير معروف) ؟! هل هو: سعد , سعيد , سعدون , الخ ... والمبهم هو خصوصيتك .......

ثانيا: لا تذكري اماكن ؟! بدل من ان تقولي: بيت اختي ليلى بالبصرة ... قولي: بيت لولو ؟! وحتى ان قلت بالبصرة اذا كان المقابل لا يعرف بان اختك في البصرة ؟! من هي لولو ؟! هل هي ليلي ؟! هل هي لبنى ؟! هل هي لجين ؟! الخ .... تصبح لولو شيئ مبهم (غير معروف) .... والمبهم هو خصوصيتك ......

ثالثا: عدم ذكر اي معلومات شخصيه ؟! عنوان البيت , محل العمل , اسم المدير , رقم التلفون , رقم السيارة , الخ.

فاذا سربت محادثه باسمك فانك تستطيعين الدفاع عن خصوصيتك بالقول:

هذه ليس انا ؟! بل هو تشابه اسماء او بان احدهم قد فتح حساب باسمي لتشويه سمعتي ؟!

ولذلك فمن المهم جدا اتباع القاعدة الاولى بعدم ذكر الاسماء والقاعدة الثانيه بعدم ذكر الاماكن والثالثه بعدم ذكر اي معلومات شخصيه قد تربطك بالمحادثه المسربه ؟!.

زين هسه راح اضرب لكم مثال لمحادثة غلط ؟! باختصار شديد ؟!

الغلط والصح (ما بين الاقواس):

سهير: هلو حبيبتي لجين (لولوه) .... اشلونج ... شنو اخبارج ....

لجين: اني زينه .... انتي شنو اخبار جامعة المستنصريه (الجامعة) ؟!

سهير: يمكن وقعت في حب دكتور تايه مطشر جحيش الجلوب

* اسم اني اخترعته – اي تشابه في الاسماء هو من محض الصدفه – لا يروح يطلع اكو واحد بهذا الاسم وابتلش ؟! ههههههههههههه  ... * .

لجين: وي ... هذا خبر حلو .... ياالله انطيني تفاصيل ......

سهير: كذا ... وكذا ... وكذا .....  * بعد 10 ساعات من التفاصيل الممله *

لجين: ليش ما نروح لمول المنصور (المول)

سهير: ها ما عندي وقت ؟! اخويه الدكتور (اخويه ماكو داعي دكتور) جاي زيارة من بريطانيا (اوربا).

لجين: يمعوده ... اني ساكنه بـ 14 رمضان وانتي ساكنه باليرموك يعني كلش قريب ما نطول ؟! (قريب عن بيتنا وبيتكم او منطقتنا ومنطقتكم قريبه من المول) ؟!

هسه نجي للتحليل:

محادثه مسربه ما بين لولوه و سوسو ؟!

منو لولوه ؟! ومنو سوسو ؟! اذا ما ذكر اسم جامعة المستنصريه ؟! وحتى وان عرف الدكتور تايه مطشر جحيش الجلوب ؟! ومنو هي سوسو اذا لم يذكر بان اخوها دكتور وجاي من بريطانيا زيارة ؟! وان لم تذكر لجين بان بيت سهير هو في حي اليرموك ؟! .....

ركزوا معاي شويه وراح تفهمون ؟! بل ان تعودون نفسكم على التحدث بالمبهم ولكن مفهوم من قبل الطرف الآخر ... تره هي مسألة قراءة ... وتعلم ... وتطبيق ... وتعويد .

وأختم

هذه المحادثة تصبح جدا صعبه اذا كانت سهير قد تعرفت على لجين منذ فترة قصيرة ؟! ومنه  فعدم البوح بالمعلومات قد يفسر بانه غموض ؟! او عدم صراحه ؟! او تحفظ ؟! مما سيولد الشك ما بين سهير ولجين؟! ولذلك فانا انصح ان تكون هكذا محادثات اوليه (في بداية التعارف) وجها لوجه ؟! اذا امكن وفي مكان عام ..... قصدي إذا كانت سهير تريد ان تخبر لجين ولأول مرة بحبها للدكتور تايه مطشر جحيش الجلوب كان المفروض ان يلتقون بمول المنصور مثلا (أو في بيت سهير او لجين أو اي مكان آخر) ويسلفون بالتفاصيل (حتى ماكو تسجيل ؟! لانه ماكو مكالمة) حتى بعدين على التلفون او على وسائل التواصل الاجتماعي ممكن ان تقول سهير للجين حبيبي وتدرين منو ؟! واخويه وتدرين من وين جاي ؟! ......
او إذا لم يمكن اللقاء المباشر وجها لوجه ....  تجزء المعلومات على دفعات .... ومنه مثلا ... اليوم تقولين بان اخويه دكتور على المسنجر... بعد كم يوم بالتلفون الخلوي تقولين اسمه الحقيقي ... بعد كم يوم تقولين هو بالسويد على الفيس بوك .... وهلم جره ....... وهذا لن يلغي تسجيل المعلومات ولكن سيجعل تجميعها بمنتهى الصعوبه .....

اللهم اشهد اني بلغت ..........

21-09-2015م

مع تحيات المهندس سرمد عقراوي