خواطر: كم خسر العراق ؟! مشروع مول العالم (دبي) و 100 فندق بـ 20 مليار دولار؟!
يا بلاش ؟!
أشارت وكالة «بلومبرغ» إلى أنه إبان تعيينه في
منصب الرئيس التنفيذي للعمليات في مشروع «مول العالم»، حرص مورغان باركر على إعادة
خطط إنشاء أكبر مول تجاري في العالم والمرافق التابعة له التي تتضمن 100 فندق
بقيمة 20 مليار دولار.
نهاية الخبر
سأعيد قراءة الخبر لكم لكي تركزوا معايه شويه
رجاءا ؟!.
أكبر مول في العالم بأسم "مول العالم"
مع كافة المرافق والملحقات الخدمية مع 100 فندق اكيد خمس نجوم واكيد كل فندق على
الاقل من 30 الى 60 طابق بكلفة 20 مليار دولار ....
زين ضيع المالكي والحرامية من السياسيين
العراقيين اللي وياه مبلغ 800 مليار دولار ؟!
يابه ما نريد ترجعولنا الـ 800 مليار اللي
نهبتوها نريد فقط 360 مليار اي تقريبا نصف المبلغ ؟!
زين 18 محافظه بالعراق في كل محافظه (أكرر كل
محافظه ها) نبني اكبر مول بالعالم مع كافة المرافق والملحقات الخدميه ومع 100 فندق
5 نجوم وعلى الاقل من 30 الى 60 طابق ....
اريدكم تنتبهون الى مسألة واحدة فقط ....
اذا راح نبني في مدينة العمارة اكبر مول في
العالم مع 100 فندق 5 نجوم (30 – 60) طابق كم عراقي من مدينة العمارة راح نشغل ؟! وبما
انه اني مهندس مدني وهاي شغلتي راح احسبلكم حساب عرب:
كل فندق يحتاج 200 عامل باليوم من مختلف
الاختصاصات و 10 مهندسين ....
200 عامل ضرب 100 فندق = 20,000 الف عامل من العمارة
10 مهندسين ضرب 100 فندق = 1000 مهندس من العمارة
هاي ما عدا اكبر مول بالعالم اللي ما اعرف كم
مساحته لاخمن عدد العمال والمهندسين
زين كم مطعم وكم اسواق وكم الخ من الخدمات سوف
يحتاج هؤلاء الـ 20,000 الف عامل والـ 1000 مهندس في العمارة ؟! وشلون عجلة
الاقتصاد راح تصير فول وتوب بالتعابير العراقيه ولمدة على الاقل سنتين ؟! وعندكم
الحساب ....
زين نفسها هاي التجربه راح تكون في مدينة الديوانيه
ومدينة الناصريه ومدينة الحله ومدينة البصرة ومدينة النجف الاشرف ومدينة كربلاء
بالاضافة الى بغداد ومدينه بعقوبه والانبار والموصل وثلاث محافظات كوردستان ....
المحصله
18 محافظة ضرب 20,000 الف عامل = 360,000 الف
عامل
18
محافظة ضرب 1,000 مهندس = 18,000 الف مهندس
دتصورون شلون الحال راح يصير ....
ما ذكرته فقط كمثال لما سيتم انجازه بـ 20 مليار
دولار لكل مدينة من مدن العراق وهي بناء اكبر مول في العالم مع كافة المرافق الخدميه
وبناء 100 فندق 5 نجوم من (30-60) طابق في
كل مدينة (أكرر في كل مدينة) من المدن التي ذكرتها .... يعني العراق راح يصير عندة
1800 فندق من خمس نجوم و 18 اكبر مول في العالم ؟! يمكن ندخل في كتاب گينس للارقام القياسيه في شغله زينه ولاول مرة
بدلا من دخول كتاب گينس في الشغلات
التعبانه ؟! اعتقد وصلت الفكرة ...
هسه يجيني واحد ويقول:
استاذ سرمد احنا شنسوي باكبر مول بالعالم بالعمارة
؟! واحنا شنسوي بـ 100 فندق 5 نجوم بالعمارة ؟! اكوله حقك واني بس داضرب لكم مثال
ومنه بدل ما نبني اكبر مول بالعمارة (بفلوس بناء هذا المول) خلي نبني أكبر مستشفى
بالعالم (مدينة الطب) ان صح التعبير بالعمارة مو خوش حچايه ؟! وبدل ما نبني 100 فندق 5 نجوم نبني 10 فنادق
5 نجوم والـ 90 الباقية هي مو عمارات من 30-60 طابق نحولها بدل الفنادق الى شقق
سكنيه توزع ببلاش على مواطني العمارة ... اعتقد وصلت الفكرة ...
زين استاذ سرمد رحمه على والديك منو راح يجي لهاي
اكبر مستشفى بالعالم (مدينة الطب) بالعمارة ؟! خوش حجايه ؟!
عندك 56 مليون ايراني يريدون حجة حتى يزورون
النجف الاشرف وكربلاء المقدسه وبالطريق هم علاج بهاي المستشفى ؟! والفنادق الـ 10
اللي بنيناها هم تشتغل وتضيف اهلهم وناسهم (قصدي المرضى اللي راح يجون للعلاج من
ايران).
استاذ سرمد رحمه على والديك اذا افتهمت الشغله صح
؟! زين خمو نبني بدل اكبر مول بالعالم اكبر مستشفى بالعالم بكل وحده من محافظات
العراق الـ 18 ؟! خوش حجايه والجواب لا ؟!
السماوة بيها بحيرة ساوة فنبني بدل اكبر مول اكبر
مدينة سياحيه في العالم مع 100 فندق 5 نجوم.
بالبصرة نبني اكبر مول بالعالم وهم يبقى الـ 100
فندق 5 نجوم.
بالديوانية نبني اكبر مدينة رياضية بالعالم مع
100 فندق 5 نجوم.
بالحلة نبني بدل اكبر مول بالعالم اكبر مدينة
اعلام وانترنيت بالعالم مع 100 فندق 5 نجوم.
اعتقد ما ينرادلها روحة
للقاضي بان كل من كربلاء والنجف بحاجة الى 100 فندق 5 نجوم وهم مول العالم
بالمدينتين بسبب ما يردها من زوار ؟! ويمكن بكريلاء والنجف نصغر المول شويه وبفلوسه
نبني مو 100 فندق خمس نجوم بل 200 فندق 5 نجوم بسبب الزوار طبعا.
وهلم جره لبقية مدن العراق كل مدينة حسب موقعها
واحتياجاتها نقوم ببناء اكبر (كذا) في العالم مع زيادة او نقصان عدد فنادق الـ 100
ذات الـ 5 نجوم وتحويرها الى شقق سكنية توزع على المواطنيين ببلاش.
هسه شفتوا ال 360 مليار دولار اللي باكوها حرامية
المالكي اشكان ممكن تسوي بالعراق ؟!.
ولا حول
ولا قوة الا بـ الله العلي العظيم
مع تحيات
المهندس سرمد عقراوي
ليست هناك تعليقات:
إرسال تعليق