مشروع صغير لـ بنت قروية ؟!
مادلين بنت استراليه تعيش في مزرعة والديها , فكرت ان
تربي الدجاج من اجل البيض في سن 18سنة , بعمر 22 لدى مادلين 900 دجاجة , تعيش في 3
كابينات وتاكل الحشيش مع وجبة مكونه من القمح وبذور عباد الشمس , الخ , مادلين
تمضي 4 ساعات باليوم فقط لوضع البيض في الصناديق ليذهب الى السوق , عاشت ايد
مادلين ...
انت بنت عراقية تعيشين مع اهلك في مزرعة في اي مكان في
العراق او حتى الشرق الاوسط , اكيد عندك قطعة او قطعتين ذهب , تبيعيها وتشترين
دجاج بياض (من البيض) , انا اشتري البيض المحلي (بيض عرب) كل 5 بيضات = 1000 دينار
تفيدين نفسك وتخدمين بلدك وماكو داعي نستورد بيض من
تركيا او ايران ... طبعا في اي تجارة هنالك خسارة وربح فلا سامح الله انضرب الدجاج
اللي عندك بمرض انفلونزا الطيور ؟! لازم نبدأ من الصفر مرة اخرى ؟! بس هاي بسيطة
من ربح بيع البيض اكيد راح تشترين قطعة او قطعتين او ثلاثة ذهب ؟! من لا سامح الله
ينضرب الدجاج (بالانفلونزا) هم تبيعين
قطعة ذهب وتعيدين اللي سويتيه اول مرة ...
هسه نجي للحساب
قطعة الذهب = 1000 دولار (10 اوراق)
1 ورقه = 120,000 الف دينار
10 اوراق = 1,200,000 الف دينار
1 دجاجة (بيض) = 6,000 الالاف
1,200,000 تقسيم 6000 = 200 دجاجة (بيض)
200 دجاجة = 200 بيضة باليوم
كل 5 بيضات تباع ب 1000 دينار
40,000 الف دينار الدخل باليوم
هسه صار عدنا مقياس لكل 200 دجاجة = بيضة سيكون الدخل
40,000 الف دينار عراقي باليوم
40,000 الف باليوم ضرب 30 يوم = 1,200,000 مليون ومئتين
الف دينار بالشهر
خلي نقول 200,000الف دينار تذهب (للعلف) وغيره من
متفرقات يبقى 1,000,000 بالشهر
833 دولار (8 اوراق وشوية) راتب ؟! مبلغ جيد جدا في
العراق اليوم لـ بنت عايشه مع اهلها في المزرعة ...
03-07-2014م
مع تحيات المهندس سرمد عقراوي
ليست هناك تعليقات:
إرسال تعليق