رغد التكريتي: الو عيشه البقية في حياتك ؟!.
عائشه القذافي: حياتك الباقية ؟! اتصلت بالامريكان وشكرتيهم ؟!.
رغد التكريتي: شنو قصدك اشكر الامريكان؟!.
عائشه القذافي: قصدي لو ما الامريكان اعتقلوا ابوك صدام لكان العراقيين قطعوه وصل وصل؟! ما شفتي اشسووا بوالدي؟!.
رغد التكريتي: اي والله حقج (من حقك) ان تكولين هيجي(هكذا)؟! ابويه كان في سجن اربع نجوم ؟! وخطابات في المحكمة؟! وقلبالغ ؟! وبعدين قبره هم بنايه اربع نجوم ؟! لعد اشعبالج (ماذا كنت تظنيين)؟!.
عائشه القذافي: (تبكي) ذكرتيتي ابويه القذافي سيدفن في حفرة مجهولة ؟! وما اكدر(اقدر) ازور قبره ؟! والله لازم تبوسين ايدين ورجلين الامريكان؟!.
رغد التكريتي: ميخالف مقبوله منج (منك)؟! حالج (حالك) وين ؟! وحالي وين؟!.
عائشه القذافي: كله من ابوك ؟! لو جرذان ليبيا ما شافوه بالمحكمة وسجن اربع نجوم ما كتلو ابويه بهذه الطريقه؟!
رغد التكريتي: تعتقدين ؟!
عائشه القذافي: طبعا .... طبعا ؟!
رغد التكريتي: انت هم صوجج ( ذنبك)؟! لو ما شاركت في فريق الدفاع عن ابويه صدام ؟! لما جلبت انظار الليبيين لهذه المسألة ؟!
عائشه القذافي: والله صحيح ؟! هم صوجي (ذنبي)؟!.
رغد التكريتي: يالله هسه ما ينفع الندم ؟! شنسوي؟!.
عائشه القذافي: اي والله ؟! ما ينفع الندم ؟!
رغد التكريتي: اكول سمعت الجزائر راح ترحلكم الى دولة خليجيه ؟! بلكت قطر ؟!
عائشه القذافي: عوذه ؟! يم الجزيره ؟! انت مجنونه؟!.
رغد التكريتي: لا دسمعي افهمج (افهمك) ؟! امي سجوده واختي حله هناك في قطر؟!.
عائشه القذافي: تدرين ما فكرت بصحبة امي وامك ؟! هاي خبر يمكن زين ؟! سجوده وصفيه ؟! وحله وعيوشه ؟!.
رغد التكريتي: اي ...اي؟! اني بصراحه شويه فرحانه ؟! لانه امي سجوده واختي حله صار عندهم صديقات؟! مروا بنفس المأسات ؟!
عائشه القذافي: يعني تعتقدين قطر تقبلنا ؟!
رغد التكريتي: طبعا ... طبعا ؟! قطر على طول تقتل القتيل وتمشي بجنازته ؟! واشرايج (ما رأيك) ان تشتغلين في قناة الجزيره كمحامية او محلله خبيرة ؟! وخصوصا بان علي عبدالله صالح وبشار الاسد بالطريق؟!.
عائشه القذافي: اوي؟! شنو هالاقتراح ؟! لوما الجزيرة ما خرب بيتنه وانكتل ابويه ؟! ولكن اذا رضت قطر ؟! راح انأسس نادي ارامل وايتام الرؤساء والملوك المخلوعين او الذين سيخلعون في المستقبل؟! شنو رايج (رأيك)؟!
رغد التكريتي: والله هم خوش (جيده) فكرة ؟! وانا اول الاعضاء لانني عميدة ايتام المخلوعين؟!
عائشه القذافي: شكرا...... شكرا؟! اعطيتيني شوية أمل؟!
رغد التكريتي: طبعا... طبعا... حبيبتي؟! احنا في الهوى سوى؟! اشعندي بالدنيا هسه غيرج (غيرك)؟!.
عائشه القذافي: لازم اروح؟! هاي امي صفية دتسألني عن امج (امك) سجوده؟!
رغد التكريتي: يالله عيني؟! البقيه في حياتج (حياتك) مرة أخرى ؟! سلميلي على امج (امك)؟! وان شاء الله نتلاكى(نتلاقى) في قطر؟!.
عائشه القذافي: لحظه..... لحظه؟! امي صفيه تريد تلفون امج (امك) سجوده ؟!
رغد التكريتي: عندج(عندك) ورقة وقلم سجلي ؟! 974-xxx-xxx-xxxx ؟!
عائشه القذافي: شكرا .... شكرا ؟! مع السلامه.
رغد التكريتي: مع الف سلامه.
21 - 10 -2011م
مع تحيات المهندس سرمد عقراوي
Sarmad_Aqrawi@yahoo.com
ليست هناك تعليقات:
إرسال تعليق