خواطر: مسعول كبير في ايران ؟! وكهرباء
العراق ؟!
أنا لا أحب ان أحكم على الناس ؟! الا انني ومنذ صغري
متعلق بمثل يقول:
ماذا ستصنع لو كنت محله ؟! ومنه هذه الخاطره:
ماذا كنت ساصنع لو كنت مسعول ايراني وانا اشاهد
الكهرباء تنقطع في العراق؟!.
هذاك اليوم شفت عراقي من جيل الحصار ومن سهل نينوى
بالتحديد ما يدري بأن ايران دوله شيعيه. المهم
مسؤول ايراني كبير يقلب في قنوات التلفزيون الفضائيه
الايرانيه:
يدوس دكمه الريموت كلك CLICK
هاي لطميه على الحسين (ع) من تلفزيون الجمهوريه
الاسلاميه الايرانيه القناة الاولى
يدوس دكمه الريموت كلك CLICK
هاي سيرة الامام الحسين (ع) من تلفزيون الجمهوريه
الاسلاميه الايرانيه القناة الثانيه
يدوس دكمه الريموت كلك CLICK
هاي قصة سبايا الامام الحسين (ع) من تلفزيون الجمهوريه
الاسلاميه الايرانيه القناة الثالثه
يدوس دكمه الريموت كلك CLICK
هذا دعاء يوم عرفه للامام الحسين (ع) من تلفزيون
الجمهوريه الاسلاميه الايرانيه القناة الرابعه
يدوس دكمه الريموت كلك CLICK
هاي لبنان وتقرير شلون (الدوله اللبنانيه فقيرة وفاشله)
فحكومة الجمهوريه الاسلاميه الايرانيه وبفلوس ايرانيه اسسوا لهم مؤسسه تسمى بـ
جهاد البناء ودك بناء جسور ومستشفيات ومحطات كهرباء ... و....و..... الخ من
المشاريع الضخمه ومشاريع البنيه التحتيه ....
من تلفزيون الجمهوريه الاسلاميه الايرانيه القناة الخامسه.
يدوس دكمه الريموت كلك CLICK
هاي نقل حي من كربلاء الامام الحسين (ع) ؟! هاي شنو ؟!
الشاشه سوداء .... ليش .....
خلي اخابر عرگچي واشوف شنو السالفه
مسؤول كبير: اغاي (أغا) عرگچي احوال شما خوب هستي
(احوالك زينه)
عرگچي: باد نيست (مو خربانه = زينه)
مسؤول كبير: داگلب بالقنوات شفت شاشه التلفزيون من
كربلاء الامام الحسين (ع) سوداء ؟! ليش ؟!
عرگچي: ماكو كهرباء في كربلاء ؟!
مسؤول كبير: زين
شديكولون العراقيين علينا ؟!
عرگچي: اغلب العراقيين نايمين ؟! بس اكو واحد املخنا
بالمقالات ؟!
مسؤول كبير: اشديكول ؟!
عرگچي: اتفضل اقرأ ؟!
خبصونا الايرانيين امام حسين وامام حسين ؟! اكوا واحد
يترك مدينه الامام الحسين ع بدون كهرباء ؟! اكو واحد يترك النجف لو الكاظمين لو
سامراء بدون كهرباء ؟! زين ليش ما تساعدون
العراقيين بالكهرباء هذوله مو اغلبهم محبي اهل البيت ع مثل ما ساعدتوا اللبنانيين
؟! يعني بيروت الرقص والغناء افضل من النجف لو كربلاء لو الكاظمين لو سامراء .... لو
حتى بغداد ...... استغفر الله.
ولا تكولولي مو الشيعه بالعراق زد (ضد) ولاية الفقيه ؟!
العراقيين خطيه مساكين من جيل الحصار اصلا ميفتهمون شنو
ولاية الفقيه ؟!
بعدين هو مو صاحبكم وحامل جنسيتكم بالنجف زد (ضد) ولاية
الفقيه ؟! العراقيين الشيعه شعليهم.
ولا تكولي سياستي ملتي ايران ؟!اوكف... اوكف ...
لا سياستي(سياسة) ولا ملتي (ملة) ؟! مو خابصينا ....
هي ملتي (ملة) اسلام (الاسلام) ... وملتي (ملة) قرآن
(القرآن) ....
لو اني غلطان ..... رهبر انقلاب (قائد الثورة) ....
والله لو كنت مسؤول ايراني وشفت كربلاء لو النجف لو
الكاظمين لو سامراء ولو حتى شبر بالعراق اللي محسوب على الشيعه مابيه كهرباء ....
لكان اعلنت حالة الاستنفار في ايران ... ولكان طلعت 20 مليون ايراني من الـ 56
مليون ولكان خليتهم يشيلون كيبل الكهرباء بايديهم واني اولهم الى ان اوصلها للنجف و
لكربلاء و للكاظمين و لسامراء وللعاصمه بغداد ولكل شبر من ارض الائمه (ع) العراق
... واني الممنون ..... هاي يسموها زيارة الائمه (ع) الصدگ ....
بس وي منو تحجي ..... لن اكمل .... لانهم عمت عيونهم
...... بالسياسه.....
ولا حول ولا قوة الا بالله العلي العظيم .......
31-07-2015م
مع تحيات المهندس سرمد عقراوي
مع تحيات المهندس سرمد عقراوي
ليست هناك تعليقات:
إرسال تعليق