حديث النفس ؟! من القلب الى القلب ؟! خطوات عمليه ؟!

خواطر: حديث النفس ؟! من القلب الى القلب ؟! خطوات عمليه ؟!
ورد في الحديث:

 من عرف نفسه فقد عرف الله

حديث قدسي:

  يا ابن آدم خلقت الأشياء من أجلك وخلقتك من أجلي فلا تشتغل بما هو لك عمن هو لي

ورد ان عن الأمام علي (ع) انه قال:
دَواؤُكَ فيكَ وَما تُبصِرُ وَدَاؤُكَ مِنكَ وَما تَشعُرُ
أَتَزعُمُ أَنَّكَ جُرمٌ صَغير وَفيكَ اِنطَوى العالَمُ الأَكبَرُ
فَأَنتَ الكِتابُ المُبينُ الَّذي بِأَحرُفِهِ يَظهَرُ المُضَمَرُ
وَما حاجَةٌ لَكَ مِن خارِجٍ وَفِكرُكَ فيكَ وَما تُصدِرُ
حديث قدسي:

 عبدي اطعني تكن مثلي او مثلي تقل للشيئ كن فيكون

قال تعالى :

  وما خلقت الجن والإنس إلا ليعبدون

زين الله سبحانه وتعالى يريد مني ان لا اشرك به وان اعبده....... شلون...
أهم شيئ هو عدم الشرك بالله...... شنو هو الشرك ؟!......
طبعا الشرك الظاهر هو عبادة الاصنام او غير الله....
واللي بهذا الزمان بس الهنود والصينيين وغيرهم من البوذيين يسووه
زين اكو شرك ثاني ؟! اي.... مثلا المسلم اشلون يشرك..... هاي بسيطه.....
المسلم يشرك من يتخذ آلهه هواه.....
قال تعالى:

 أَفَرَأَيْتَ مَنِ اتَّخَذَ إِلَهَهُ هَوَاهُ وَأَضَلَّهُ اللَّهُ عَلَى عِلْمٍ وَخَتَمَ عَلَى سَمْعِهِ وَقَلْبِهِ وَجَعَلَ عَلَى بَصَرِهِ غِشَاوَةً فَمَن يَهْدِيهِ مِن بَعْدِ اللَّهِ أَفَلَا تَذَكَّرُونَ

يعني شنو؟!....... اتخذ الهي (ربي) هواي.....
يعني ربي اللي اعبده يصير امنيتي..........وواهسي بالدنيا........
مثل من العراق...اغلب العراقيين يريدون يهاجرون.... مو مشكله.....
ولو الحكم الشرعي بسبب الضياع بالخارج ضده... وبس اللي يكدر يضمن دينه يكدر يهاجر.....
واللي عنده عذر شرعي قوي مثل احتماليه الموت من الجوع او التهديد بالقتل......
وحتى بهاي.... اذا كان اكو جوع بالبصرة يروح لبغداد.... خمو لامريكا.......
واذا مهدديه بالقتل بالكوت يروح للعماره..... خمو لبريطانيا........
يعني القاعدة الشرعيه تقول: الاقرب... ثم الاقرب.... ثم الاشد قربا.......
اما اذا اراد هو وهاي امنيته انه يروح لامريكا....
علمود الفلوس والكشخه والشهادات والتباهي والتفاخر والسمعه....
وحتى يحصل الخارج ....يبوك فلوس... ويخدع الناس....ويخاطر بحياته....
كله على حساب الغربه وضياع اولاده وبناته وذريته
فيصبح مشرك بالله...... وهذا مثال على الشرك الاصغر......
والله العالم.
زين كل البشر يريد يصير عنده فلوس وبيت وسيارة وحبيبه بعدين تصير زوجه وبعدين اولاد ويعيش بسعاده
كل هاي امور طبيعيه للبشر........ زين اشلون تصير شرك ؟!
من يجلب بهذه الأمور ويصير واهسه لازم يحصلها بأي ثمن (اكرر باي ثمن) تصير شرك......
يعني مستعد يبيع دينه بسببها.... شلون.....
بالسرقه والغش والخداع... والتزوير.... حتى يحصلها....... ويمكن ما يحصلها... ويخسر الدنيا والأخره....
ولكن اذا كان مؤمن واتقى الله... وطلب من الله ان يعطيه اياها بدون سرقه وغش وكذب واحتيال...
الله كريم ورزاق ويمكن يعطيها له واذا ما اعطاها له لسبب احسن له بالاخره.... حتى يجازيه عليها...
يعني الانسان المشرك يبتعد عن الله..... ويقتل ويسرق ويغش ويحتال..... بس احتمال ما يحصل على شيئ يبقى معاه
يجوز تسرق منه... او يتمرض ويخسرها على العلاج من مرض.......فيخسر الدنيا والاخره....
ولكن الانسان المؤمن اللي يتقرب من الله ويطلب منه ...
مع الصبر والالحاح بالدعاء يمكن يحصلها بالدنيا ويمكن لا...؟!
بس اذا ما حصلها بالدنيا.... ضمن الأخره........
المشرك ممكن يحصل بالدنيا الا انه يخسر الأخره....
وممكن ما يحصل بالدنيا واكيد خسر الاخره.......فيخسر الدنيا والأخره اثنينهم......
والمثل العراقي يقول:
لا حضت برجيلها ولا اخذت سيد علي....
المؤمن ممكن ما يحصل بالدنيا ولكن هو ضامن الأخره.....
واذا حصل بالدنيا وهو ضامن للأخره فيحصل على الدنيا والاخره وضمنهم اثنينهم......
والمثل العراقي يقول:
منين يحط ايده يكرف...... يعني هم يكرف بالدنيا وهم يكرف بالأخره......
يعني مثلا اذا اني كنت احب امرأة ومن العلم اللي عندي اكدر اخليها تنهوس بيه
وتتخلبل علي وكل 10 دقائق تخابرني بس ما اسويها لانه حرام......
والله سبحانه وتعالى ديشوف ويسمع.....
انه اني اعرف بس ما اسوي لانه حرام...... واخاف الله......
فبفضله وكرمه..... هو ينطيني اياها وبدون ما اسوي حرام.....
ومو بس ينطيني اياها.....ولكن يصلحها لي (روحا وجسدا) ...
ويبارك لي بيها...... ويبارك لها بي.......
ويجمع بينا بالحلال .....
في صحه وعافيه وراحه بال وامان وطول عمر وسعة رزق وطاعه...
جزاء.... وثواب..... لانني ما سويت حرام....
***********************************************

 وَابْتَغِ فِيمَا آتَاكَ اللَّهُ الدَّارَ الآخِرَةَ وَلا تَنسَ نَصِيبَكَ مِنَ الدُّنْيَا وَأَحْسِنْ كَمَا أَحْسَنَ اللَّهُ إِلَيْكَ وَلا تَبْغِ الْفَسَادَ فِي الأَرْضِ إِنَّ اللَّهَ لا يُحِبُّ الْمُفْسِدِينَ

زين اني رجال شنو شغلي بهذه الدنيا.......
اعبد الله وما اشرك به.... صلاة وصوم وعباده......

  وما خلقت الجن والإنس إلا ليعبدون

وما اسوي حرام.......

 وَلا تَبْغِ الْفَسَادَ فِي الأَرْضِ إِنَّ اللَّهَ لا يُحِبُّ الْمُفْسِدِينَ

واذا سويت استغفر الله واسوي خير

 إِنَّ الْحَسَنَاتِ يُذْهِبْنَ السَّيِّئَاتِ

وفي نفس الوقت استمتع بالدنيا في امور الحلال......

 وَلا تَنسَ نَصِيبَكَ مِنَ الدُّنْيَا

دراسه... تخرج... شغل.... حب....زواج.... اولاد.... تربيه.....هوايات...
الى ان الله يأخذ امانته.......
زين اني امرأة شنو شغلي بهذه الدنيا.......
اعبد الله وما اشرك به.... صلاة وصوم وما اسوي حرام واذا سويت استغفر الله واسوي خير
وفي نفس الوقت استمتع بالدنيا في امور الحلال......
دراسه... تخرج... شغل.... حب....زواج.... اولاد.... تربيه.....هوايات...
الى ان الله يأخذ امانته.......
زين شنو اكبر ذنب تسويه المرأة...... عدم لبس الحجاب......
تدرون المرأة مو مثل الرجل.... جسمها مقدس...... وما يصير ينعرض على الناس....
يعني بالعقل خلي انكول..... يابه يامره (امراة) جسمج مقدس.... ما يصير ينعرض ومن وراه راح تكسبين
اجر..... من الله..... وهي تعاند وتبين جسمها.... وتكسب ذنب.....
فطرة الله تكول:
الرجال خلق لخارج البيت ولتحصيل قوت العائله.....
والمرأة خلقت لادارة البيت والعائله......
يعني الرجال عامل..... والمرأة مديره......
بالله عليكم اكو مدير يترك شغله كمدير ويشتغل عماله......؟!
هذا ما تفعله المرأة المديره بالفطره عندما تخرج للعمل........
يعني هي مديرة بيتها (شركه خاصه ملكها)...
تترك وظيفتها كمديرة في شركتها الخاصه (البيت).....
وتروح تشتغل عامله في شركات عامه عند الناس......
يعني اسمحوا لي هذا قمة الغباء..... الا اذا كانت هنالك ظروف استثنائيه..
ولكل قاعدة شواذ........
طبعا ليس هنالك مانع من تعلم المرأة وحصولها على اعلى الشهادات.....بل العمل...
ولكن هاي فطرة الله..... وتشذ عن القاعده........ والهدف تخريب الفطره وخراب المجتمع....
وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ
12-04-2013م
مع تحيات المهـندس ســرمـد عـقـراوي
sarmad_aqrawi@yahoo.com